a16:1; 2 Lan 1:4
b15:15,26; Nani 4:2,15, 7:9; Dute 10:8, 31:9
c13:5; 1 Kho 8:1
d15:1,12; 2 Sam 6:17
e6:1, 23:6, 6:16; Eks 6:16; Nani 26:57
f6:1, 23:6, 6:16; Eks 6:16; Nani 26:57
g6:1, 23:6, 6:16; Eks 6:16; Nani 26:57
hNani 3:30; 2 Lan 29:13; Eks 6:22; Levi 10:4
i6:18; Eks 6:18
j6:18; Eks 6:18
k6:8, 16:39
l1 Sam 22:20; 1 Kho 2:26
m15:5-10
n2 Lan 35:6
o15:1,12; 2 Sam 6:17
p13:7; 2 Sam 6:3
q13:11; 2 Sam 6:8
r15:2; Eks 25:14
sNani 4:10,12, 13:23
t15:19-21,28, 13:8, 16:5,42, 25:1,6; 2 Lan 5:12, 9:11, 20:28, 29:25; Ezra 3:10
u15:19-21,28, 13:8, 16:5,42, 25:1,6; 2 Lan 5:12, 9:11, 20:28, 29:25; Ezra 3:10
v15:19-21,28, 13:8, 16:5,42, 25:1,6; 2 Lan 5:12, 9:11, 20:28, 29:25; Ezra 3:10
w6:33
x6:39
y6:44
z15:21
aa15:16
ab15:16
acHlab 48:14
ad15:21
ae15:16
af23:4
ag15:28, 16:6; Nani 10:8,10; 2 Lan 5:12,13, 7:6, 13:14, 29:26,27,28; Ezra 3:10; Neh 12:35,41
ah2 Sam 6:12-15
aiNani 23:1; Jobe 42:8
aj4:21; 2 Lan 2:14, 3:14, 5:12; Esta 1:6, 8:15; Hez 27:16
akEks 19:16; 2 Sam 6:15; Hlab 81:3; 2 Lan 15:14
al15:24
am15:16
an15:16
ao15:16
ap16:3,2 Sam 6:16-19

1 Chronicles 15

Umtshokotsho wesivumelwano seNkosi ulethwa eJerusalema

1Wasezenzela izindlu emzini kaDavida, walungisela umtshokotsho kaNkulunkulu indawo, wawumisela ithente a. 2Ngalesosikhathi uDavida wathi: Kakho ongathwala umtshokotsho kaNkulunkulu ngaphandle kwamaLevi, ngoba yiwo iNkosi eyawakhethela ukuthwala umtshokotsho kaNkulunkulu, lokuyikhonza kuze kube nininini b. 3UDavida wasebuthanisa uIsrayeli wonke eJerusalema c ukuze benyuse umtshokotsho weNkosi endaweni yawo ayeyilungisele wona d. 4UDavida wasebuthanisa amadodana kaAroni lamaLevi. 5Kumadodana kaKohathi e, uUriyeli induna, labafowabo, ikhulu lamatshumi amabili. 6Kumadodana kaMerari, uAsaya induna, labafowabo, amakhulu amabili lamatshumi amabili f. 7Kumadodana kaGerishoni, uJoweli induna, labafowabo, ikhulu lamatshumi amathathu g. 8Kumadodana kaElizafani, uShemaya induna, labafowabo, amakhulu amabili h. 9Kumadodana kaHebroni i, uEliyeli induna, labafowabo, amatshumi ayisificaminwembili. 10Kumadodana kaUziyeli, uAminadaba induna, labafowabo, ikhulu letshumi lambili j. 11UDavida wasebiza oZadoki k loAbhiyatha abapristi l, lamaLevi, oUriyeli, uAsaya, loJoweli, uShemaya, loEliyeli, loAminadaba m. 12Wasesithi kubo: Lizinhloko zaboyise bamaLevi; zingcweliseni lina labafowenu ukuze lenyuse umtshokotsho weNkosi uNkulunkulu kaIsrayeli n endaweni engiyilungisele wona o. 13Ngoba lina lalingekho kuqala p, iNkosi uNkulunkulu wethu yafohlela kithi, ngoba singayidinganga ngokwesimiso q. 14Ngakho abapristi lamaLevi bazingcwelisa ukwenyusa umtshokotsho weNkosi uNkulunkulu kaIsrayeli. 15Abantwana bamaLevi basebethwala umtshokotsho kaNkulunkulu, njengokulaya kukaMozisi ngokwelizwi leNkosi r, emahlombe abo ngemijabo phezu kwabo s. 16UDavida wasesithi ezinduneni zamaLevi zimise abafowabo, abahlabeleli, lezinto zokuhlabelela t lezigubhu zezintambo u lamachacho lezinsimbi ezincencethayo, bazizwakalise, ngokuphakamisa ilizwi ngentokozo v. 17AmaLevi asemisa uHemani indodana kaJoweli w, lakubafowabo uAsafi indodana kaBerekiya, lemadodaneni kaMerari abafowabo x uEthani indodana kaKushaya y. 18Njalo kanye labo abafowabo besigaba sesibili: OZekhariya, uBeni, loJahaziyeli, loShemiramothi, loJehiyeli, loUni, uEliyabi, loBhenaya z, loMahaseya, loMathithiya, loElifelehu, loMikineya, loObedi-Edoma, loJeyiyeli, abalindi bamasango. 19Abahlabeleli oHemani, uAsafi, loEthani bazizwakalisa-ke ngensimbi ezincencethayo zethusi aa. 20LoZekhariya loAziyeli loShemiramothi loJehiyeli loUni loEliyabi loMahaseya loBhenaya belezigubhu zezintambo ab ngeAlamothi ac. 21LoMathithiya loElifelehu loMikineya loObedi-Edoma loJeyiyeli loAzaziya ad belamachacho ae ngeSheminithi ukukhokhela af. 22LoKenaniya induna yamaLevi emthwalweni, wafundisa ngokuhlabelela ngoba wayeyingcitshi. 23LoBerekiya loElkana babengabagcini bamasango omtshokotsho. 24LoShebaniya loJoshafati loNethaneli loAmasayi loZekhariya loBhenaya loEliyezeri abapristi bakhalisa izimpondo phambi komtshokotsho kaNkulunkulu. LoObedi-Edoma loJehiya babengabagcinimasango bomtshokotsho ag.

25Kwasekusithi uDavida labadala bakoIsrayeli lenduna zezinkulungwane bahamba ukwenyusa umtshokotsho wesivumelwano seNkosi uvela endlini kaObedi-Edoma ngentokozo ah. 26Kwasekusithi uNkulunkulu ewasiza amaLevi ayewuthwele umtshokotsho wesivumelwano seNkosi, banikela umhlatshelo wamajongosi ayisikhombisa lenqama eziyisikhombisa ai. 27Njalo uDavida wayegqoke isembatho selembu elicolekileyo kakhulu, lawo wonke amaLevi ayewuthwele umtshokotsho labahlabeleli loKenaniya induna yomthwalo wabahlabeleli; uDavida-ke wayegqoke i-efodi* yelembu elicolekileyo aj. 28Ngakho uIsrayeli wonke wawenyusa umtshokotsho wesivumelwano seNkosi ngokumemeza langokukhala kophondo lwenqama ak, langezimpondo al, langezinsimbi ezincencethayo am, besenza umsindo ngezigubhu zezintambo an lamachacho ao.

29Kwasekusithi lapho umtshokotsho wesivumelwano seNkosi ufika emzini kaDavida, uMikhali indodakazi kaSawuli walunguza ngewindi wabona inkosi uDavida esina edlala, wamdelela enhliziyweni yakhe ap.
Copyright information for Ndebele